以前一個人初初係北京 唔係好知當地有咩家常小菜 (叫得家常小菜就唔會係煎餅驢打滾冰糖葫蘆啦～) 原來佢地都會有外賣紙即叫即煮 其中有一樣就係茄子炒豆干，即係炒豆角 唔知點解今日好想食返呢味餸 但係又買唔到豆角，就唯有用四季豆頂住先啦～ 其實煮法好簡單 1矮瓜要滾刀切，唔洗太大舊， 切完要浸水(煮既時候無咁索油同埋防鏽) 2豆角/四季豆切到手指公咁長 3之後爆蒜頭(想食辣可以爆埋辣椒) 4落矮瓜炒到半淋身就落豆豆繼續炒多陣 5加鹽糖生抽老抽兜兜佢(想食辣就加xo醬/老干媽/辣椒醬都ok) 6加一湯匙水焗一焗到滾起就有得食啦～ d矮瓜吸晒d汁好惹味架~~~~